ಪ್ರಧಾನಿ ಮೋದಿಯನ್ನೇ ನಗುವಂತೆ ಮಾಡಿದ್ದ ಪ್ರಸಿದ್ಧ ಕಂಟೆಂಟ್ ಕ್ರಿಯೇಟರ್ 'Atheist Krishna' ಇನ್ನಿಲ್ಲ

ನವದೆಹಲಿ: ಹಾಸ್ಯ ಪ್ರಧಾನ ಮೀಮ್‌ಗಳಿಗೆ ಹೆಸರುವಾಸಿಯಾಗಿದ್ದ ಜನಪ್ರಿಯ ಫೋಟೋಶಾಪ್ ಕಲಾವಿದ ಮತ್ತು ಕಂಟೆಂಟ್ ಕ್ರಿಯೇಟರ್ ನಾಸ್ತಿಕ ಕೃಷ್ಣ ಅವರು ನ್ಯುಮೋನಿಯಾದಿಂದ ನಿಧನರಾಗಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ, ನಟ ಅಕ್ಷಯ್ ಕುಮಾರ್ ಸೇರಿದಂತೆ ಪ್ರಭಾವಿಗಳ ಫೋಟೋಶಾಪ್ ಮೀಮ್ಸ್‌ಗಳನ್ನು ಮಾಡಿದ್ದಲ್ಲದೇ, ಸ್ವತಃ ನರೇಂದ್ರ ಮೋದಿ ಅವರನ್ನು ಕೂಡ ಮೀಮ್ಸ್ ಮೂಲಕ ನಾಸ್ತಿಕ ಕೃಷ್ಣ ನಗುವಂತೆ ಮಾಡಿದ್ದರು. ಕೃಷ್ಣ ಅವರ ಬುದ್ಧಿವಂತ ಹಾಸ್ಯಗಳು, ಫೋಟೋ ಸಂಪಾದನೆಗಳು ಮತ್ತು ಹಾಸ್ಯಕ್ಕೆ ಹೆಸರುವಾಸಿಯಾಗಿದ್ದರು. ಅವರ ವ್ಯಂಗ್ಯ ಮತ್ತು ಸೃಜನಶೀಲ ಪ್ರತಿಭೆ ಅವರಿಗೆ ಸಾವಿರಾರು ಅನುಯಾಯಿಗಳನ್ನು ಸೇರಿದಂತೆ ಸೆಲೆಬ್ರಿಟಿಗಳ ಮೆಚ್ಚುಗೆಯನ್ನು ಗಳಿಸಿತ್ತು.

ನಾಸ್ತಿಕ ಕೃಷ್ಣ ಜುಲೈ 23 ರಂದು ನ್ಯುಮೋನಿಯಾ ಸಂಬಂಧಿತ ತೊಂದರೆಗಳಿಂದ ನಿಧನರಾಗಿದ್ದಾರೆ ಎಂದು ತಿಳಿದು ಬಂದಿದೆ. ಸಾಮಾಜಿಕ ಮಾಧ್ಯಮ ಬಳಕೆದಾರರೊಬ್ಬರ ಪ್ರಕಾರ, ಕೃಷ್ಣ ಅವರಿಗೆ ನ್ಯುಮೋನಿಯಾ ಇತ್ತು. ಶ್ವಾಸಕೋಶದಲ್ಲಿ ನೀರು ಇದೆ ಮತ್ತು ಶಸ್ತ್ರಚಿಕಿತ್ಸೆ ಮಾಡಬೇಕಾಗಿದೆ ಎಂದು ಸಂದೇಶ ಕಳುಹಿಸಿದ್ದರು. ‘ನಾನು ಇದರಿಂದ ಬದುಕುಳಿದರೆ ಅದು ಪವಾಡ’ ಎಂದು ಅವರು ಹೇಳಿದ್ದರು ಎಂದು ವರದಿಯಾಗಿದೆ.