ಚಳಿಗಾಲದಲ್ಲಿ ಅರೋಗ್ಯ ಕಾಪಾಡಲು ಯೋಗಾಸನ ಸಲಹೆ

ನಮ್ಮ ದೇಹವು ಚಳಿಗೆ ಒಡ್ಡಿಕೊಂಡಂತೆ ದೇಹವು ನೈಸರ್ಗಿಕವಾಗಿ ರಕ್ತನಾಳಗಳ ಸಂಕೋಚನವಾಗುವುದು ಸಹಜ. ತಾಪಮಾನವನ್ನು ಸಂರಕ್ಷಿಸಲು ರಕ್ತನಾಳಗಳು ಕಿರಿದಾಗುತ್ತವೆ, ಇದರಿಂದ ರಕ್ತ ಸಂಚಲನೆಯಾಗುವುದು ಕಡಿಮೆಯಾಗಬಹುದು. ಕೈ ಕಾಲುಗಳು ಅಥವಾ ಚಳಿಗೆ ಒಡ್ಡಿಕೊಳ್ಳುವಂತಹ ಭಾಗಗಳಲ್ಲಿ ರಕ್ತದ ಹರಿವನ್ನು ಸರಿಯಾಗಿ ಆಗುವಂತೆ ಮಾಡಲು ಕೆಲ ಯೋಗಾಸನಗಳು ಸಹಕಾರಿಯಾಗಿದೆ.

ಉತ್ಕಟಾಸನ :

• ಹಂತಗಳು: ಈ ಆಸನವನ್ನು ಮಾಡುವಾಗ ಮೊದಲಿಗೆ ನಿಮ್ಮ ದೇಹದ ಬದಿಯಲ್ಲಿ ನಿಮ್ಮ ಕೈಯನ್ನು ನೇರವಾಗಿ ಇರಿಸಿ ನಿಂತುಕೊಳ್ಳಿ. ಹೀಗೆ ನಿಲ್ಲುವಾಗ ನಿಮ್ಮ ಪಾದದ ನಡುವೆ ಒಂದು ಅಡಿ ಅಂತರವಿರಲಿ.

• ಉಸಿರಾಡುವಾಗ, ನಿಮ್ಮ ಅಂಗೈಗಳನ್ನು ಕೆಳಕ್ಕೆ ತಿರುಗಿಸಿ. ನಂತರ, ಭುಜದ ಎತ್ತರವನ್ನು ತಲುಪುವವರೆಗೆ ನಿಧಾನವಾಗಿ ಎರಡೂ ಕೈಗಳನ್ನು ನಿಮ್ಮ ಮುಂದೆ ಮೇಲಕ್ಕೆತ್ತಿ.

• ಉಸಿರಾಡುತ್ತಾ, ನಿಮ್ಮ ಹಿಮ್ಮಡಿಗಳನ್ನು ನೆಲದಿಂದ ಮೇಲಕ್ಕೆತ್ತಿ ಕಾಲ್ಪೆರಳುಗಳ ಮೇಲೆ ನಿಲ್ಲಿ. ನಿಮ್ಮ ದೇಹವನ್ನು ಆರಂಭಿಕ ಸ್ಥಾನಕ್ಕೆ ಹಿಂತಿರುಗಿ.

• ಉಪಯೋಗಗಳು: ಉತ್ಕಟಾಸನವು ನಿಮ್ಮ ದೇಹದಲ್ಲಿನ ಪ್ರಮುಖ ಸ್ನಾಯುಗಳನ್ನು ಕೆಲಸದಲ್ಲಿ ತೊಡಗುವಂತೆ ಮಾಡುತ್ತದೆ. ವಿಶೇಷವಾಗಿ ನಿಮ್ಮ ತೊಡೆಗಳು (ಕ್ವಾಡ್ರೈಸ್ಪ್ಸ್) ಮತ್ತು ಪೃಷ್ಠದ ಭಾಗ(ಗ್ಲೂಟ್ಸ್).

• ಈ ಸಕ್ರಿಯಗೊಳಿಸುವಿಕೆಯು ರಕ್ತದ ಹರಿವನ್ನು ಉತ್ತೇಜಿಸುತ್ತದೆ. ಮತ್ತು ದೇಹದಾದ್ಯಂತ ಪರಿಚಲನೆಯನ್ನು ಉತ್ತೇಜಿಸುತ್ತದೆ ಮತ್ತು ದೇಹದ ಕೈಗಳು ಮತ್ತು ಪಾದಗಳಂತ ತುದಿಭಾಗಗಳನ್ನು ಬೆಚ್ಚಗಾಗಿಸುತ್ತದೆ.​

ಫಲಕಸನ (ಪ್ಲಾಂಕ್ ಪೋಸ್)

• ಹಂತಗಳು: ಪುಷ್ ಅಪ್ ಮಾಡುವ ಭಂಗಿಯಲ್ಲಿ ನಿಮ್ಮ ದೇಹವನ್ನು ನೇರ ರೇಖೆಯಲ್ಲಿರಿಸಿ ಅಂಗೈಗಳನ್ನು ನೆಲದ ಮೇಲೆ ಇರಿಸಿ ಮಲಗಲು ಪ್ರಾರಂಭಿಸಿ.

• ನಿಮ್ಮ ಹೊಟ್ಟೆಯ ಸ್ನಾಯುಗಳನ್ನು (ಕೋರ್) ಬಿಗಿಗೊಳಿಸಿ ಮತ್ತು ನಿಮ್ಮ ಭುಜಗಳು ನೇರವಾಗಿ ನಿಮ್ಮ ಮಣಿಕಟ್ಟಿನ ಮೇಲಿವೆ ಎಂದು ಖಚಿತಪಡಿಸಿಕೊಳ್ಳಿ.

• ಉಪಯೋಗಗಳು: ಪ್ಲ್ಯಾಂಕ್ ಪೋಸ್ ಅಥವಾ ಫಲಕಾಸನವು ನಿಮ್ಮ ಹೊಟ್ಟೆಯ ಕೈಗಳು ಮತ್ತು ಕಾಲುಗಳ ಸ್ನಾಯುಗಳನ್ನು ಏಕಕಾಲ ದಲ್ಲಿ ಸಕ್ರಿಯಗೊಳಿಸುತ್ತದೆ.

• ನಿಮ್ಮ ಇಡೀ ದೇಹವನ್ನು ನೀವು ತೊಡಗಿಸಿಕೊಂಡಾಗ, ಅದು ನಿಮ್ಮ ಹೃದಯ ಬಡಿತವನ್ನು ಹೆಚ್ಚಿಸುತ್ತದೆ, ರಕ್ತದ ಹರಿವನ್ನು ಸುಧಾರಿಸುತ್ತದೆ ಮತ್ತು ನಿಮ್ಮ ಹೃದಯ ಮತ್ತು ರಕ್ತನಾಳಗಳನ್ನು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತದೆ.

ವೀರಭದ್ರಾಸನ :

• ಕಾಲುಗಳನ್ನು 3-4 ಅಡಿ ಅಗಲವಾಗಿಸಿಕೊಂಡು ನೇರವಾಗಿ ನಿಲ್ಲಿ. ಬಲದ ಕಾಲನ್ನು 90 ಡಿಗ್ರಿ ಮತ್ತು ಎಡ ಕಾಲನ್ನು 15 ಡಿಗ್ರಿಯಲ್ಲಿ ಇಡಬೇಕು.

• ಬಲಕಾಲಿನ ಹಿಂಗಾಲು ಎಡಕಾಲಿನ ಪಾದದ ಮಧ್ಯಭಾಗಕ್ಕೆ ನೇರವಾಗಿರಿಸಿ, ಅಂಗೈಯು ಪರಸ್ಪರ ಎದುರಾಗುವಂತೆ ನೀವು ಎರಡು ಕೈಗಳನ್ನು ಹಾಗೆ ಮೇಲಕ್ಕೆತ್ತಿಕೊಳ್ಳಿ.ಕೈಗಳು ನೆಲಕ್ಕೆ ನೇರವಾಗಿ ಇರಿಸಿಕೊಂಡು ಉಸಿರನ್ನು ಬಿಡಿ ಮತ್ತು ಬಲದ ಮೊಣಕಾಲನ್ನು ಬಗ್ಗಿಸಿ.

• ಉಪಯೋಗಗಳು: ವೀರಭದ್ರಾಸನ (ಯೋಧ ಭಂಗಿ) ತೊಡೆಗಳು, ಕರುಗಳು ಮತ್ತು ಕಣಕಾಲುಗಳಲ್ಲಿನ ಸ್ನಾಯುಗಳನ್ನು ತೊಡಗಿಸಿಕೊಳ್ಳುವ ಮೂಲಕ ಕಾಲುಗಳನ್ನು ವಿಸ್ತರಿಸುತ್ತದೆ ಮತ್ತು ಬಲಪಡಿಸುತ್ತದೆ. ಇದು ದೇಹದ ಕೆಳಭಾಗಕ್ಕೆ ರಕ್ತದ ಹರಿವನ್ನು ಸುಧಾರಿಸುತ್ತದೆ, ಕಾಲುಗಳು ಮತ್ತು ಪಾದಗಳಲ್ಲಿ ಉತ್ತಮ ರಕ್ತಪರಿಚಲನೆಯನ್ನು ಉತ್ತೇಜಿಸುತ್ತದೆ.

• ವೀರಭದ್ರಾಸನದ (ಯೋಧ ಭಂಗಿ) ಚಲನೆಯು ಅನೇಕ ಸ್ನಾಯು ಗುಂಪುಗಳನ್ನು ತೊಡಗಿಸಿಕೊಳ್ಳುವ ಮೂಲಕ ರಕ್ತದ ಹರಿವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮತ್ತು ಇದು ದೇಹದಾದ್ಯಂತ ಆಮ್ಲಜನಕದ ವಿತರಣೆ ಮತ್ತು ಒಟ್ಟಾರೆ ಶಕ್ತಿಯನ್ನು ಸುಧಾರಿಸುತ್ತದೆ.

ಚಳಿಗಾಲದಲ್ಲಿ ದೇಹವನ್ನು ಬೆಚ್ಚಗಿರಿಸಲು ಯಾವ ಕ್ರಮ ಅನುಸರಿಸಬೇಕು ಏನು ಮಾಡಬಾರದು?

ದೀರ್ಘ ಕಾಲದವರೆಗೆ ಒಂದೇ ಭಂಗಿಯಲ್ಲಿ ಕೂರುವುದು ಅಥವಾ ನಿಲ್ಲುವುದನ್ನು ತಪ್ಪಿಸಿ. ವಿಶೇಷವಾಗಿ ಮಣಿಕಟ್ಟುಗಳು ಮತ್ತು ಕಣಕಾಲುಗಳ ಸುತ್ತಲೂ, ಅತೀ ಬಿಗಿಯಾದ ಬಟ್ಟೆಗಳನ್ನು ಧರಿಸುವುದನ್ನು ತಪ್ಪಿಸಿ. ಏಕೆಂದರೆ, ಇದು ತುದಿ ಭಾಗಗಳಿಗೆ ರಕ್ತಪರಿಚಲನೆಗೆ ಅಡ್ಡಿಯಾಗಬಹುದು.ಗಮನಿಸಿ: ಚಳಿಗಾಲದಲ್ಲಿ ದೇಹದ ಆರೈಕೆಯನ್ನು ಉತ್ತಮ ರೀತಿಯಲ್ಲಿ ಮಾಡುವುದು ಜೀವನ ಶೈಲಿಯ ಒಂದು ಉತ್ತಮ ಆಯ್ಕೆಯಾಗಿದೆ. ಇದರಲ್ಲಿ ಯೋಗ ಮತ್ತು ಉತ್ತಮ ಆಹಾರಗಳೂ ಸೇರಿವೆ. ಉತ್ತಮ ಆಯ್ಕೆಗಳನ್ನು ಮಾಡಿಕೊಳ್ಳುವ ಮೂಲಕ ರಕ್ತ ಪರಿಚಲನೆಯನ್ನು ಸುಧಾರಿಸುವುದು, ಬೆಚ್ಚಗಿರಿಸುವುದು, ಮತ್ತು ಚಳಿಗಾಲದಲ್ಲಿ ದೇಹದ ಒಟ್ಟಾರೆ ಆರೋಗ್ಯ ವನ್ನು ನೋಡಿಕೊಳ್ಳಬಹುದು. ನಿಮ್ಮ ದೇಹದ ಮಾತನ್ನು ಆಲಿಸಿ ಮತ್ತು ಒಟ್ಟಾರೆ ಯೋಗಕ್ಷೇಮಕ್ಕೆ ಅಗತ್ಯವಿದ್ದಾಗ ಮಾರ್ಗದರ್ಶನ ಪಡೆಯಿರಿ.