ಶಿರಸಿಯಲ್ಲಿ ಸ್ವಾವಲಂಭಿ ತಂತ್ರಾಂಶಕ್ಕೆ ಚಾಲನೆ

ಶಿರಸಿ :ಭಾರತೀಯ ಅಂಚೆ ಇಲಾಖೆಯ ಹೊಸ ಸ್ವಾವಲಂಭಿ ತಂತ್ರಾಶವು ಅಂಚೆ ವಿಭಾಗದ ಪ್ರಧಾನ ಹಾಗೂ ಎಲ್ಲಾ ಶಾಖಾ ಕಚೇರಿಗಳಲ್ಲಿ ಗುರುವಾರ ಕಾರ್ಯಾರಂಭಿಸಿತು. ನಗರದ ಪ್ರಧಾನ ಕಚೇರಿಯಲ್ಲಿ ಶಿರಸಿ ಅಂಚೆ ವಿಭಾಗದ ಅಧೀಕ್ಷಕ ಹೂವಪ್ಪ ಜಿ. ಹೊಸ ತಂತ್ರಾಂಶಕ್ಕೆ ಚಾಲನೆ ನೀಡಿದರು. ಬಳಿಕ ಮಾತನಾಡಿದ ಅವರು ಇದು ಅತ್ಯಂತ ಸುಧಾರಿತ ತಂತ್ರಾಂಶವಾಗಿದ್ದು, ಗ್ರಾಹಕರಿಗೆ ನಿಖರ ಸೇವೆ ಒದಗಿಸಲು ಸಹಕಾರಿಯಾಗಿದೆ. ಹಾಗೂ ಈ ಅಂಚೆ ತಂತ್ರಾಂಶವನ್ನು ನುರಿತ ಅಂಚೆ ತಂತ್ರಜ್ಞರು ತಯಾರಿಸಿದ್ದಾರೆ ಎಂದು ತಿಳಿಸಿದರು.

ದೇಶದಲ್ಲಿಯೇ ಪ್ರಾಯೋಗಿಕವಾಗಿ ಕರ್ನಾಟಕದಲ್ಲಿ ಈ ತಂತ್ರಾಂಶ ಜಾರಿಗೆ ತರಲಾಗಿದೆ . ಗ್ರಾಹಕರು ತಮ್ಮ ಮನೆಯಿಂದಲೇ ಅನೇಕ ಸೇವೆಗಳನ್ನು ಪಡೆದುಕೊಳ್ಳಬಹುದು ಎಂದರು.